الشعب المصري ده بقي مستفز جدا..الواحد ماسك نفسه بالعافيه بجد

الشعب المصري ده بقي مستفز جدا..الواحد ماسك نفسه بالعافيه بجد

اقتصاد ايه و دولار ايه و اسعار ايه يا ولاد المبقعه..ده نص الشعب لسه مأنتخ في الساحل من اول اجازه العيد و مش عايز يرجع يشتغل..و النص التاني لسه في غيبوبه انتخه رمضان و بيروح شغله ينام نص اليوم.طب جرب كده يا مؤمن تنزل الشارع تحت بيتكوا قبل الضهر و شوف كام محل فاتح سواء بقاله و لا ورشه حرفيه من اي نوع.جرب كده تدور علي صنايعي من اي حرفه - ميكانيكي أو سباك أو كهربائي..الخ - قبل واحده الضهر..طبعا عارف كويس انك مش هتلاقي حد و لو صحيت حد منهم من النوم هيقوم يقولك اصطبح بس و اشرب الشاي و السيجاره و افوقلك و اكلمك..ده ان مطلعلكش اصوات ابيحه في التليفون..و كلنا عارفين بعد كده شغل الصنايعي المصري و مواعيده التحفه.ده انا عندي في الشغل ناس مرتباتها اقل من 2000 جنيه في الشهر و ماسكه موبايلات ب 7 الاف جنيه يا مؤمن !! و الموبايل بيتقلب اول ما ينزل واحد جديد غيره..ده غير ان طول اليوم مفيش اي حاجه واكله دماغهم غير باقه النت و الفيس بوك.خلفه عيال زي الارانب..مفيش حد بيربي و لا عنده وقت يربي و لا عنده القدره و لا المسؤليه انه يربي..بس ازاي !! مفيش حاجه كده صغننه جايه في السكه ؟!! مش هتخاويه بقي ؟!! اخس عليكي يعني تجيبي ولاد و متجبيش بنوته حلوه زيك كده ؟!! لا لازم تجيبي الواد و الا الناس تاكل وشك..مش شايفه بنت فلانه جابت الواد من اول مره ازاي ؟!!الجنون الاستهلاكي عند الناس و النهم الشرائي الجنوني اللي بنشوفه كلنا في اي ماركت من اصغرهم لاكبر هايبر ماركت..الناس بتتخانق مع بعضها حرفيا علي اي سلعه لمجرد بس انها عليها عرض و قربت تخلص من علي الرف..اي سلعه ملهاش تلاتين الف لازمه..الناس بقت مجانين شرا..ومن كل المستويات الاجتماعيه و الماديه و محدش يقدر ينكر انه بيشوف ده بعينيه.حاله العنطزه و التباهي الاجتماعي المقززه و فكره ان مفيش حد يبقي احسن مني و لازم اجيب و اشتري و البس و اشبك و اعمل فرح احسن من اي حد..فلوس بالهبل و مصاريف بالكوم بس عشان الفشخره الاجتماعيه الكدابه..فرح بنت خالتي مينفعش يبقي احسن من فرحي و شبكتي مينفعش تبقي اقل من شبكه بنت عمتي و النيش بتاعي مينفعش يبقي اصغر من بتاع بنت طنط سوزي جارتنا.الفساد و الرشوه و السرقه و استحلال اي قرش في جيب اللي جنبك..مفيش مواطن مبيسرقش اللي جنبه..السرقه و الاختلاس و الفساد بقي اسمهم فهلوه .. مشي حالك..كلها ماشيه كده..احنا معندناش حكومه فاسده..احنا عندنا شعب فاسد من اصغر ساعي بوفيه.يا راجل ده انا مدخل ابني دبلومه امريكيه عشان قرف التعليم الحكومي و الدروس الخصوصيه..اقوم اكتشف ان ابني من القلائل اللي مبيخدوش دروس خصوصيه .. و فين يا مؤمن ؟!! في G1 !! في اولي ابتدائي يا اساتذه..اولياء الامور العباقره بيخلوا ولادهم ياخدوا دروس خصوصيه من اول KG1 و هما في تعليم دولي مش حكومي !!طب قسما بالله في امتحان الفاينل السنه دي من شهرين زمايل ابني اهاليهم نزلوهم ياخدوا مراجعه نهائيه يوم الامتحان الساعه 5 الفجر قبل الامتحان بساعتين..مراجعه قبل الامتحان..امتحان في اولي ابتدائي..و الله العظيم حصل !!!و الله العظيم يا جماعه الاستنطاع و الكسل و الطمع و الجشع و الفهلوه عمرهم ما هيغيروا حالك و لا هيحسنوا اقتصاد دوله و لو في المريخ.ده شعب مجنون..مالوش حل..تصرفاته و افعاله قليل تتوصف بالفجور..ده عدي مرحله الفجور من زمان